Apne seenay say lagaye huwi umeed ki laash

Muddaton zeest ko nashad kya hai mein nay

Tu nay to ek he sadmay se kya tha dochar

Dil ko har tarah say barbad kya hai mein nay

Jub bhi raaho mein nazar ayee hariri malboos

Sard aahon mein tujhay yaad kya hai mein nay



Aur ab jub keh meri rooh ki paihnayee mein

Ek sunsan see maghmum ghata chayee hai

Tu damaktay huway aariz ki shuwayain lay kar

Gul shuda shamain jalanay chali ayee hai?



Meri mehboob, yeh hangama-e-tajdeed-e-wafa

Meri afsurda jawani kay liye raas nahin

Mein nay jo phool chunay thai tere qadmon kay liye

Un ka dhundla sa tasawwur bhi meray paas nahin



Ek yakh basta udasi hai dil o jaan pay muheet

Ab meri rooh mein baqi hai nah umeed nah josh

Reh gaya dub kay giraan baar salaasil kay talay

Meri darmaanda jawani ki umangon ka kharosh



- Sahir Ludhianvi