DHTML Menu / JavaScript Menu Powered by Milonic
Already a member? Sign In

Village Journals help
Resonate your identity with Naseeb journals. Express your opinions, share your thoughts, post your writings and connect with like minded people through the power of expression.

lab pe tere iqraar-e-mohabbat sher Gazal kaa lagataa hai


lab pe tere iqraar-e-mohabbat sher Gazal kaa lagataa hai
sharm se cheharaa laal gulaabii phuul kamal kaa lagataa hai

dil ko najar se Takaraaye bhii ek zamaanaa biit gayaa
choT magar hai itanii taazaa haadasaa kal kaa lagataa hai

beKhud ho kar mast havaaye.n aise kab laharaatii thii.n
ye jaaduu to halkaa halkaa us aa.Nchal kaa lagataa hai

ham samajhe the bhuul gaye hai.n vo chaahat kaa afasaanaa
aaj magar phir dard saa dil me.n halkaa halkaa lagataa hai
 

Add Comments

 
Add
 

  Comments on this journal

Login to find out (January 17, 2007 at 10:54am)
arey baba abhi sai compaign start ho gtau garmiyon tak succesful ho g na... u know marketing
 
Login to find out (January 17, 2007 at 10:39am)
Hmmm kuch Roohafza type ka sher hai (akhri misra) lol
 
Login to find out (January 17, 2007 at 10:37am)
ghor farma rahai hain............................... ................................... .....................kya khoob chad jab ufaq pai...wah ab ispai ghaur farmaiyen

yaad karanaa har gha.Dii us yaar kaa
hai vazifaa mujh dil-e-bimaar kaa

aarazuu-e-chashmaa-e-kausar nahii.n
tishnaa_lab huu.N sharbat-e-didaar kaa
 
Login to find out (January 17, 2007 at 10:21am)
This sher is truly amazing:

chaaNd jab duur ufaq par Duubaa
tere lahje kii thakan yaad aa?ii
 
Login to find out (January 17, 2007 at 10:20am)
Kya baat hai!

Iss par bhi ghaur faramayaiN

Shaam ko sub?h-e-chaman yaad aa?ii
kis kii Khushbuu-e-badan yaad aa?ii

chaaNd jab duur ufaq par Duubaa
tere lahje kii thakan yaad aa?ii

yaad aaye tere paikar ke Khutuut
apnii kotaahii-e-fann yaad aa?ii

jab KhayaaloN meN ko?ii moR aayaa
tere gesuu kii shikan yaad aa?ii
 
Login to find out (January 17, 2007 at 10:13am)
guzare dino.n kii yaad barasatii ghaTaa lage
guzaruu.N jo us galii se to Tha.nDii havaa lage

mehamaan banke aaye kisii roz agar vo shaKhs
us roz bin sajaaye meraa ghar sajaa lage
 
Login to find out (January 17, 2007 at 10:02am)
bohat khoob kya baat hai.....
 
Login to find out (January 17, 2007 at 9:15am)
Haan aur issi sher par Noor Jehan ke ek khoobsurat gaanay ka ek bohot khoobsurat sher yaad aaya. Very old song though...

Unn se bichaDh ke hum ko tamanna hai maut ki
Aati nahiN hai maut bhi lekin jeeye baghair

(Lo chal diye woh hum ko tasalli diye baghair
Ek chand chup gaya hai ujala kiye baghair)
These are the opening lines of the song.
 
Login to find out (January 17, 2007 at 9:07am)
muhabbat me.n kare kyaa kuchh kisii se ho nahii.n sakataa
meraa maranaa bhii to merii Khushi se ho nahii.n sakataa
 
Login to find out (January 17, 2007 at 8:54am)
Bohot khoob.

Gham-e-dauraaN ne bhi seekhe, gham-e-janaaN ke chalan
Wohi sochi huwi chaalaiN, wohi besaakhta pan

Mustafa Zaidi (from the same ghazal as below)
 
Login to find out (January 15, 2007 at 1:17am)
vahii iqraar me.n inkaar ke laakho.n pahaluu
vahii ho.nTho.n pe tabassum vahii abaruu pe shikan
Mustafa Zaidi