ye kyaa sitam hai ke ehsaas-e-dard bhii kam hai
shab-e-firaaq sitaaron mein roshni kam hai

ye kaisi mauj-e-karam thi nigaah-e-saaqi mein
ke us ke baad se tuufaan-e-tishnagii kam hai

qariib-o-duur se aati hai aap kii aavaaz
kabhi bahut hai Gham-e-justujuu, kabhi kam hai

shauur-e-ishq ab aayaa hai apni manzil par
huzuur-e-husn tamannaa-e-beKhudi kam hai

tamaam umer teraa intizaar kar lenge
magar ye ranj rahegaa ke zindagi kam hai

uruuj-e-maah ko insaan samajh gayaa lakin
hunuuz azmat-e-insaan se aagahii kam hai

na the bahaar-e-chaman ham magar ye sunte hain
hamaare baad gulon mein shaguftagii kam hai

na saath dengi ye dam torti hoyee sham'mein
naye chiraagh jalaao ke roshnii kam hai

--Shahid Siddiqui

main chup raha k zahar yahi mujh ko raas tha
wo sang-e-lafaz phaink k kitna udaas tha
aksar jise meri quba pe hansi ayi
kal mila tu wo bhi daredaa libaas tha
tum khush ho pathroo ko KHUDA jan kar
mujh ko yaqeen hai wo tumhara qayas tha
bakhsa hai jis ne roh ko zakhmoo pairhan
MOSHSIN wo shaks mitna tabiat shanas tha

hai Dua yad magar harf-e-Dua yad nahi
mere naghmaat ko andazy nawa yad nahi
main ne palkoo se dar-e-yar pe dastak di hai
main wo sayel hoo jise koi sada yad nahi
ham ne jin k liye rahoo main bichaya tha laho
ham se kehtay hain wahi ahd-e-wafa yad nahi
sirf dhundlay hoye sitaroo ki chamak dekhi hai
kab howa kon howa ham se khafa yad nahi
zindagi ik jabr-e-musalsal main katii hai
janey kis jurm ki payi hain saza yad nahi
aoo ik sajda ker lain alm-e-madhoshi main
log kehtay hain k SAGHAR ko KHUDA yad nahi