MUJHAY KHALAA MAIN BHATAKNAY KI ARZU HE SAHI
KAY TUU MILAY NA MILAY TERI JUSTAJU HE SAHI

QAREEB AA SHAB E TANHAYEE TUJH SE PYAR KARAIN
TAMAAM DIN KI THAKAN KA ILAAJ TUU HE SAHI

BARAY KHALOOS SE MILTA HAI, JAB BE MILTA HAI
WOH BE WAFA TO NAHI HAI, BAHAANA JUU HE SAHI

MAGR WOH ABR SAMANDAR PAY KION BARASTA HAI
ZAMEEN BHAANJ SAHI KHAAK BE NAMUU HE SAHI

TUM APNE DAGH E SIR E PERHAN KI BAAT KARO
HAMARA DAMAN E SAD CHAAK E BE RAFUU HE SAHI

YEH NAAZ KAM TO NAHI HAI KAY UNSE MIL AYE
WOH AIK PAL KO SIR E RAAH E GUFTAGUU HE SAHEE

JO APNE AAP SE SHARMAYE' KIS SE BAAT KARAY
MAIN AAINAY KI TARAHA USKAY RUU BRAUU HE SAHI

KISI TARHA TO YEH TANHAION KI SHAAM KATAY
WISAAL E YAAR NAHI, QURBAT E ADUU HE SAHI

YEH SAJDA SIR E MUQTAL KA WAKT HAI MOHSIN
KHUD APNE KHUN E RAG E JAAN SE AB WUZUU HE SAHI

********************

POET MOHSIN NAQVI
COLLECTED AND SHARE BY HUMA :)