Yeh jo reyg-dasht-e-faraaq hai
Yeh rukay agar
Yeh rukay agar toh nishaan miley
Yeh nishaan miley
Ke jo faaslon ki saleeb hai
Yeh garri hoi hai kahaan kahaan!
Merey aasmaan se kidher gai
Terey iltefaat ki kehkashaan
Merey bekhabar merey benishaan
Yeh rukey agar toh pata chalay
Mein tha kis nagar, tu raha kahaan!
Ke zamaan makaan ki yeh wuusatein
Tujhey dekhney ko taras gaeen
woh mere naseeb ki baarishein kisi aur chat pe baras gaeen
Merey char su hai ghubaar-e-jaan, Woh fishaar-e-jaan
Ke khabar nahin merey haath ko mere haath ki
Mere khwaab se terey baam tak
Teri rahguzar ka to zikr kya
Nahin zoofishan tera naam tak!
Hain dhuaan dhuaan, mere istakhwaan
Mere ansoo-on mein bujhey huay mere istakhwaan
Merey naksh gar, merey naksh jaan
Isi reyg-dasht-e-faraaq mein
Rahey muntazir....terey muntazir
Merey khwaab jinke fishaar mein
Rahi merey haal se bekhabar tere rahguzar
Tere rahguzar
ke jo naksh hai merey haath par
Magar is bala ki hai teergi
Ke khabar nahin merey haath ko mere haath ki
Woh jo chashm-e-shoabdaa saaz thi
Woh uthey agar merey istakhwaan mein ho raushni
Isi ek lamha-e-deed mein teri rahguzar
Mere teerajan mein chamak uthey
Merey khwaab se terey baam tak
Sabhi manzaroon mein damak uthay
Usi ek pal mein ho jawidaan
Mere arzoo jo hai beykaran
Meri zindagi ke hai mukhtasir
Yeh jo reyg-e-dasht-e-faraaq hai.. yeh rukay agar...
Yeh rukay agar