From American Girl's journal in the journals section of Naseeb

Ab keh baarish hui to
sooraj kee kin min kirnon ko
merey aansooyon ke boondon se
chhalak ke, dhanak buntey dekhna
kabhi mati ke daanon ko
namak se dhul ke
hawa mein soondhi khushbu bakhairtey
dekhna to samajhna
main bhee kaheen dalaan mein jhoola daaley
koi kitaab parhtey
achaanak tum ko yaad kar ke
huns dee hoon
meri kitaab mein koi sookha phool
apney rang aur khushbu kho ke bhi
tumhaari nishaani bana
ek bejaan laash kee tarha
meri zindagee se lipta parra hai
ab ke baarish hui to
jee bhar ke baarish mein nahana
koi gana gungunana
geeli sarrkon pe dur tak
dorrey jana
aur bus yeh yaad rukhna
mosam to lot hee aatey hain
pur muhabatein, dosti aur rishtey
jab toot jaatey hain
to baarish ke lot aaney pe bhi
murr ke naheen aatey.